Այսօր Արցախի ֆուտբոլի լիգայի առաջնության 10-րդ տուրում Ասկերանի §Բերդ¦-ը սեփական հարկի տակ ընդունեց Մարտակերտի §Ջրաբերդ¦ թիմին։ Հանդիպումն ընթացավ բավականին ծանր և կոշտ պայքարում։ Ասկերանի թիմում բացակայում էին մի շարք առաջատար խաղացողներ։ Եվ գուցե դա էր պատճառը, որ առաջին խաղակեսի 25-րդ րոպեին հյուրերը հաշվի մեջ առաջ անցան։ Ստեղծված իրավիճակից ելնելով՝ թիմի գլխավոր

մարզիչ Սևան Պետրոսյանը բաց թողած գոլից հետո խաղադաշտ մտցրեց վնասվածքի պատճառով նախորդ խաղը բաց թողած թիմի ավագ փորձառու Հայկ Շամիրյանին, ինչից հետո խաղի որակը նկատելիորեն փոխվեց։ Եվ առաջին խաղակեսի ավարտից 5 րոպե առաջ Կամո Մանգասարյանը հավասարեցրեց խաղի հաշիվը։  Երկրորդ խաղակեսը բավականին ակտիվ սկսեցին մարտակերտցիները և խաղի 50-րդ րոպեին կրկին հաշվի մեջ առաջ անցան։ Բաց թողած երկրորդ գոլից հետո նախաձեռնությունն անցավ §Բերդ¦-ի ֆուտբոլիստներին։ Եվ հերթական գրոհից հետո՝ 62-րդ րոպեին ասկերանցիները վերականգնեցին հաշվի հավասարակշռությունը։ Կրկին աչքի ընկավ մեր թիմի հարձակվող Կամո Մանգասարյանը, իսկ խաղավարտից 7 րոպե առաջ Կամոն  խփեց հաղթական գոլը՝ իր հաշվին գրանցելով հեթ-տրիկ՝ արձանագրելով այս գերլարված խաղի վերջնական հաշիվը։

Այս հաղթանակից հետո §Բերդ¦-ը շարունակում է զբաղեցնել մրցաշարային աղյուսակի 2-րդ հորիզոնականը՝ առաջնությանը մասնակից 12 թիմերից զիջելով միայն Ստեփանակերտի §Լեռնային Արցախ¦ թիմին։ 

Վերջում նշենք, որ խաղն ընթացավ չճանաչված երկրների Եվրոպայի առաջնությանն ընդառաջ Ասկերանի քաղաքային վերակառուցվող մարզադաշտում՝ շինարարական տեխնիկայի հռնդյունների ներքո։ 

Ցավոք, արդեն որերրորդ անգամ, խաղն անցնում է սակավաթիվ երկրպագուների ներկայությամբ, իսկ վերելքում գտնվող մեր թիմը, կարծում ենք, նրանց աջակցության կարիքը շատ ունի։

Մարատ Մարդյանի անկասելի անցումն ու մրցավարի կոպիտ սխալը (տեսանյութ)

Ասկերանցիների հաղթական գոլը (տեսանյութ)

Վալերի ՊԵՏՐՈՍՅԱՆ