Շուտով կսկսվի բերքահավաքը և այն անկորուստ ու օպերատիվ անցկացնելու  նպատակով մայիսի 23-ին ԱՀ արտակարգ իրավիճակների պետական ծառայության Ասկերանի ՇԱԻԲ պետ Արամ Ասրյանը խորհրդակցություն անցկացրեց շրջանի բերքահավաքին ներգրավվող կոմբայնավարների և մեխանիզատորների հետ: Հանդիպմանը ներկա էր նաև Ասկերանի շրջվարչակազմի ղեկավարի տեղակալ Վլադիմիր Բալասանյանը:

Արամ Ասրյանը ողջունելով ներկաներին՝ շեշտեց, որ բերքահավաքն անվտանգ և առանց կորուստների անցկացնելու նպատակով պետք է ժամանակին կատարվեն բոլոր նախապարաստական աշխատանքները։ Դրանք համակարգված կատարելու պատասխանատվություն պետք է կրեն բոլորը շահագրգիռ կողմերը:

- Մի քանի օրից հետո սկսվելու է հունձը և այդ գործընթացը լիարժեք կազմակերպելու համար պետք է տանել նախապատրաստական աշխատանքներ: Անհրաժեշտ է ստուգել և կարգի բերել բոլոր տեխնիկաները, որպեսզի բերքահավաքը կարողանանք ժամանակին և նորմալ մակարդակով կազմակերպել: Կարծում եմ՝ կոմբայնների սարքինության հետ կապված խնդիրներ չեն ծագի,-ասաց ՇԱԻԲ պետը:

Կոմբայնավարներին տրամադրվեցին թույլտվություններ՝ բերքահավաքի աշխատանքներին մասնակցելու համար:

Կարինե ԲԱԽՇԻՅԱՆ