Թարմացումներ.
| ԹՈՂ ՁԵՐ ԾԱՌԱՅՈՒԹՅՈՒՆԸ ԲԱՐԻ ԼԻՆԻ |
| 15.07.2019 17:41 |
|
Հիրավի, հուզված էին բոլորը: Չէ որ այս տղաներն օրեր առաջ էին վեր կացել դպրոցական նստարանից և ընդունվել տարբեր ուսումնական հաստատություններ: Նրանցից շատերը պատրաստվում էին բժիշկ, շինարար, մանկավարժ և լավ արհեստագործ դառնալ, սակայն, հոգ չէ, ուսումը կշարունակեն երկու տարի ծառայելուց հետո: Զինկոմ Արծվիկ Գաբրիելյանը շնորհավորեց բոլորին օրվա կապակցությամբ, մաղթեց բարի և անփորձանք ծառայություն: -Մեզանից յուրաքանչյուրը իր պարտքն ունի հայրնեիքի հանդեպ: Մենք համոզված ենք, որ դուք այն կկատարեք ձեր հայրերից ու պապերից ոչ պակաս և դա ցույց է տվել պատմությունը: Եղեք զգոն, ուշադիր, հարգեք միմյանց և ամենակարևորը՝ հիշեք, որ հայրենիքը սրբություն է բոլորիս համար և նրա սահմանների անառիկությունը ձեզանից է կախված: Իմացե՛ք, ձեր հարազատները սրտատրոփ սպասում են ձեր վերադարձին: Ինչպես միշտ, նորակոչիկներին մաղթանքի խոսքեր հղեց Ասկերանի մշակույթի և երիտասարդության կենտրոնի տնօրեն Ռոմելա Գրիգորյանը: Նրա ելույթի ամեն մի բառը հայրենասիրություն, ուժ և կորով էր հաղորդում ներկաներին: <<Մեր ներկան ու ապագան դուք եք, մենք վստահում ենք ձեզ, քանզի գիտենք՝ ձեր երակներով հայի արյունն է հոսում: Դուք խիզախ, արիասիրտ և պատվախնդիր ազգի սերունդներ եք, քաջ գիտակցում եք, որ այս հողն ինչպիսի գնով ենք ազատագրել և համոզված եմ, որ դուք ձեր պարտականությունները գերազանց եք կատարելու>>,- ասաց Ռոմելա Գրիգորյանը: Նորակոչիկներին բարի ծառայություն մաղթեց Ասկերանի շրջանի հոգևոր հովիվ Տեր-Մեսրոպ Խունոյանը՝ հորդորելով նրանց լինել դիմացկուն և ամուր: Թող ձեր ճանապարհը բարի լինի, թող այս երկու տարիներին հաջողությունն ու Բարձրյալի օրհնությունն ուղեկցի բոլորիդ… Կարինե ԲԱԽՇԻՅԱՆ
|
Հ