Ասկերանի շրջվարչակազմի աշխատակազմի բաժինների վարիչների, համայնքների ղեկավարների, ուժային կառույցների և հիմնարկ-ձեռնարկությունների ղեկավարների մասնակցությամբ դեկտեմբերի 25-ին տեղի ունեցավ շրջանի խորհրդի տարվա վերջին նիստը, որը վարում էր շրջվարչակազմի ղեկավար Հակոբ Ղահրամանյանը:

Օրակարգի առաջին հարցի շուրջ հանդես եկավ շրջվարչակազմի աշխատակազմի ՔՃՎ բաժնի վարիչ Ալբերտ Ավանեսյանը: Նա ներկայացրեց շրջանի տարածքում 2019թ. կապիտալ ներդրումների ծրագրերով իրականացվող շինարարական աշխատանքները և հետագա խնդիրները:

Կապիտալ շինարարությունում զգալի բաժինը շարունակում է մնալ պետական պատվերի ծրագրերով իրականացված 1381349.0 մլն դրամ ներդրումները:

Ընթացիկ տարում զոհված ազատամարտիկների, 1-ին կարգի հաշմանդամների ընտանիքների համար վերանորոգվել է 7 բնակելի տուն, զոհված ազատամարտիկի մեկ և սոցիալական այլ խմբերում ընդգրկված երկու ընտանիքների տրամադրվել է փոխհատուցում:  Բազմազավակ ընտանիքների համար Նորագյուղի և Աստղաշենի համայնքներում գնվել է 3 բնակելի տուն, Ուղտասարի համայնքում ընթացքի մեջ է բազմազավակ մեկ ընտանիքի համար բնակելի տան շինարարությունը: Այլ սոցիալական խմբերին պատկանող ընտանիքների համար Ուղտասարի, Այգեստանի և Սղնախի համայնքներում կառուցվում են մեկական տներ:

Ալբերտ Ավանեսյանը տեղեկացրեց նաև, որ անցնող տարում շահագործման է հանձնվել Շոշի համայնքի մանկապարտեզի շենքը, Խնձրիստանի համայնքային կենտրոնը, Ասկերանի քաղաքային մարզադաշտի հանդերձարանները, Բերքաձորի համայնքի մեկ բնակելի տուն: Նա ներակայացրեց նաև բազմաթիվ այլ շինարարական աշխատանքները, որոնք տարվել և տարվում են շրջանում:

Ընթացքի մեջ են Ասկերան քաղաքում երեք բազմաբնակարան շենքերի, Աստղաշենի համայնքի 30 տեղանոց մանկապարտեզի շենքի շինարարությունները և Խանցքի համայնքի գազաֆիկացման աշխատանքները:

Շոշափելի աշխատանքներ են իրականացվել շրջանի տարածքով անցնող պետական և ընդհանուր օգտագործման տեղական նշանակության ավտոճանապարհների վերանորոգման, վերակառուցման և պահպանման ուղղությամբ:

ՔՃՎ բաժնի վարիչը մանրամասն տեղեկություններ հաղորդեց շրջանի բնակչությանը օգնության կարգով տրված շինանյութերի մասին՝ ավելացնելով, որ բարեգործական հիմունքներով §Ղարաբաղ Տելեկոմ¦ ՓԲԸ միջոցներով կառուցվել են Փառուխի և Նորագյուղի համայնքների արտաքին լուսավորության համակարգերը:

Կապիտալ շինարարության բնագավառում դեռևս կան որոշակի բացթողումներ, որոնց վերացման ուղղությամբ բաժինը կձեռնարկի համապատասխան միջոցներ:

Օրակարգի երկրորդ հարցն Ասկերանի և Խնձրիստանի միջնակարգ դպրոցներում արտադասարանական և արտադպրոցական աշխատանքների դրվածքի մասին էր: Տեղեկանքով հանդես եկավ վարչակազմի աշխատակազմի կրթության և սպորտի բաժնի վարիչ Կառլեն Մայիլյանը:

Ինչպես նշեց Կ. Մայիլյանը, երկու դպրոցներում էլ մանկավարժական կոլեկտիվները, առանձին օղակների պատասխանատուները կատարում են բավարար աշխատանքներ արտադասարա-նական և արտադպրոցական աշխատանք-ների դրվածքը պատշաճ մակարդակի վրա պահելու ուղղությամբ: Դպրոցների մասնագիտացված կրթական աջակցությունների գծով տնօրենի տեղակալներ Աիդա Գյանջումյանը և Լուսինե Դանիելյանը հետևողական են աշխատանք-ներում: Մեծ տեղ է հատկացվում հայրենաճանաչողական և առարկայական ծրագրերով նախատեսված էքսկուրսիա-ներին: Կազմակերպվում են շաբաթօրյակներ դպրոցի, համայնքի, պատմամշակութային հուշարձանների տարածքներում: Երկու կրթօջախներում էլ դպրոց-ընտանիք կապի ամրապնդման համար կազմակերպվում են հանդիպումներ, որտեղ ծնողներն ակտիվ համագործակցային խմբերում կարողանում են իրենց դիրքորոշումներն արտահայտել երեխաների դաստիարակությանը վերաբերող տարբեր հարցերի շուրջ:

Կառլեն Մայիլյանն ընդգծեց, որ վերոնշյալ դպրոցների աշակերտները մեծ սիրով և պատասխանատվությամբ են մասնակցում կազմակերպվող ցանկացած միջոցառման, ինչը ուսուցչական կոլեկտիվների արդյունավետ աշխատանքների արդյունք է:

Հաշվետվություններով հանդես եկան ԱՀ ԱՎԾ աշխատակազմի Ասկերանի շրջբաժնի պետ Սուրեն Թովմասյանը,  §Պատմական միջավայրի պահպանության ծառայություն¦ ՊՈԱԿ Ասկերանի շրջանային ծառայության պետ Ալլա Արզումանյանը, շրջանի համայնք-ներին, շրջանի բնակարանային հարցերի հասարակական հանձնաժողովի նախագահ Վահագն Առստամյանը, բնակիչներին շինանյութերի տրամադրման հանձնաժողովի նախագահ Երջանիկ Հայրիյանը:

Նիստի վերջում արվեցին հայտարարություններ:

Կարինե ԲԱԽՇԻՅԱՆ