Ի ԼՐՈՒՄՆ WWW.BERDPRESS.INFO ԿԱՅՔՈՒՄ 13.11.2019Թ. ՏԵՂԱԴՐՎԱԾ ՀՐԱՊԱՐԱԿՄԱՆ

14.01.2020 10:20

13.11.2019թ. www.berdpress.info ինտերնետային կայքում տեղեկատվություն էր հրապարակվել Ասկերանի շրջանի Հին Նորագյուղի տարածքում տեղակայված չգործող դպրոցի շենքի վերաբերյալ, որն առերևույթ պարունակում էր հափշտակության և գույքի ոչնչացման կամ վնասման հանցավոր արարքների առկայության մասին վկայող տվյալներ (Հղումը այստեղ` http://berdpress.info/news/ 1114-2019-11-13-14-05-37):

20.11.2019թ. ԱՀ գլխավոր դատախազի պաշտոնակատարի կողմից հանձնարարվել էր ստուգումներ կատարել հիշյալ հրապարակման մեջ ներկայացված ենթադրյալ հանցավոր դեպքերի կապակցությամբ (Հղումը այստեղ` http://prosecutornk.am/արձագանք-www-berdpress.info.կայքի հրապարակմանը/):

Հրապարակման մեջ ներկայացված փաստերի շուրջ կատարված դատավարական ստուգման արդյունքում հարուցվել է քրեական գործ ԱՀ քրեական օրենսգրքի 183-րդ հոդվածի 3-րդ մասի 1-ին կետով (գողություն, որը կատարվել է առանձնապես խոշոր չափերով) և 191-րդ հոդվածի 3-րդ մասի 1-ին կետով (դիտավորությամբ գույքի ոչնչացում կամ վնասում, որի հետևանքով առանձնապես խոշոր չափի վնաս է պատճառվել) նախատեսված հանցագործությունների հատկանիշներով:

Քրեական գործով նախաքննությունն իրականացնում է ԱՀ քննչական կոմիտեն:

https://prosecutornk.am/%d5%ab-%d5%ac%d6%80%d5%b8%d6%82%d5%b4%d5%b6-www-berdpress-info-%d5%af%d5%a1%d5%b5%d6%84%d5%b8%d6%82%d5%b4-13-11-2019%d5%a9-%d5%bf%d5%a5%d5%b2%d5%a1%d5%a4%d6%80%d5%be%d5%a1%d5%ae-%d5%b0%d6%80%d5%a1/