Հուլիսի 16-ին ԱՀ Նախագահ Արայիկ Հարությունյանի հրամանագրով Հակոբ Ղահրամանյանն ազատվել է Արցախի Հանրապետության Ասկերանի շրջանի վարչակազմի ղեկավարի պաշտոնից՝ այլ աշխատանքի անցնելու կապակցությամբ:

Աշոտ Դադայանը նշանակվել է Արցախի Հանրապետության Ասկերանի շրջանի վարչակազմի ղեկավար:

Հուլիսի 17-ին ԱՀ տարածքային կառավարման

և զարգացման նախարար Ժիրայր Միրզոյանն Ասկերանում ներկայացրեց նորանշանակ ղեկավար Աշոտ Դադայանին։

Նախարարը շնորհակալություն հայտնեց Հակոբ Ղահրամանյանին շրջանի ղեկավարման գործում կայուն և արդյունավետ գործունեություն իրականացնելու համար՝ հույս հայտնելով, որ Հ. Ղահրամանյանը շարունակելու է համագործակցությունը հարազատ շրջանի հետ՝ անկախ նրանից, թե ինչ ոլորտում կաշխատի։

Հակոբ Ղահրամանյանը շնորհակալություն է հայտնել ԱՀ կառավարությանն ու վարչակազմի աշխատակազմին՝ համատեղ արդյունավետ գործունեության համար՝ հույս հայտնելով, որ շրջվարչակազմի նորանշանակ ղեկավարը, ով նույնպես արմատներով մեր շրջանից է, կանի հնարավորինը՝ շրջանի առաջընթացն ապահովելու ուղղությամբ։

Տարածքային կառավարման և զարգացման նախարարը հաջողություններ է մաղթել Աշոտ Դադայանին շրջվարչակազմի ղեկավարի պատասխանատու պաշտոնում նշանակվելու կապակցությամբ՝ նշելով, որ տարածքային զարգացման մարմինները բոլոր ուղղություններով միշտ էլ զարգացման անհրաժշտություն ունեն։

-Խնդիրներն այստեղ շատ են և պետք է ընդգծեմ, որ այս պաշտոնը ստանձնում եք այնպիսի ժամանակահատվածում, երբ հանրային բարեկարգման համակարգը կանգնած է արմատական փոփոխությունների առաջ։ Ցանկանում եմ հավաստիացնել, որ մենակ չեք լինելու։ Նախարարությունն ու ամբողջ կառավարությունը լինելու է ձեր կողքին։

Արցախի Հանրապետության նորընտիր իշխանությանը շնորհակալական և երախտագիտական խոսք ասաց Աշոտ Դադայանը՝ իրեն վստահելու և այսպիսի պատասխանատու պաշտոնում նշանակելու  համար։ Վարչակազմի նորանշանակ ղեկավարը հավաստիացրեց, որ անելու է ամեն հնարավորն ու անհնարինը՝ հասարակության և իշխանության սպասելիքներն արդարացնելու համար։

Աշոտ Էդուարդի Դադայանը ծնվել է 1983թ. սեպտեմբերի 9-ին, Ստեփանակերտում։

1990-2000թթ. սովորել է Ստեփանակերտի Ավ. Իսահակյանի անվան հ. 10 միջնակարգ դպրոցում։

2000թ. ընդունվել է Երևանի տնտեսաիրաíագիտական համալսարանի ՙԻրավագիտություն՚ բաժինը և այն ավարտել 2007-ին։

2001-2003թթ. ծառայել է ԼՂՀ ՊԲ շարքերում։ Ծառայության ընթացքում խրախուսվել է հրամանատարության կողմից՝ արժանացել ՊԲ նախարարի շնորհակալագրին։

2006-2008թթ. աշխատել է ՀՀ-ում գործող ՙԼեյջր Գեյմզ՚ ՍՊ ընկերությունում՝ որպես հսկիչ-մենեջեր։

2008-2010թթ. աշխատել է ԼՂՀ ԿԱ հարկային պետական ծառայությունում՝ սկզբում որպես ապրանքաշրջանառութ-յան հաշվառման և հսկողության բաժնի պետ, ապա՝ ՙԳ՚ խմբի ավագ հարկային տեսուչ։

2010-2011թթ. զբաղեցրել է ԿԱ հարկային պետական ծառայության օպերատիվ հետախուզության վարչության օպերատիվ բաժնի ավագ օպեր-լիազորի պաշտոնը։

Տնօրինել է ՙՄիլենիում Պրոդակշն՚ ՍՊ ընկերությունը։

Որպես Նախագահի թեկնածու մասնակցել է 2020 թվականի մարտին կայացած ԱՀ նախագահական ընտրություններին։

Անկուսակցական է։

Ամուսնացած է, ունի երեք զավակ։