Ինչպես նշում է շրջվարչակազմի աշխատակազմի գյուղբաժնի վարիչ Արվիդ Ղուլյանը՝ շրջանում շարունակվում են գյուղատնտեսական աշխատանքները: Ներկա դրությամբ 979 հա աշնանացան է կատարվել, որից 770 հա ցանվել է ցորեն, իսկ 209 հա`գարի:  Եղանակային պայմաններից ելնելով` դեռևս ոչ բոլոր համայնքներն են ավարտին հասցրել աշնանացանը:

Շրջանի 31 համայնքները պայմանագրեր են կապել ԱՀ գյուղի և գյուղատնտեսության աջակցության հիմնադրամի հետ: Համայնքներից ներկայացված հայտերի հիման վրա տրամադրվել է անհատույց սերմացու /ցորեն և գարի/, միաժամանակ հողատարածքներում առաջին հերկ կատարած անձանց հատկացվել է մեկ

հա-ի հաշվով 20 լ դիզվառելիք:

Գյուղբաժնի վարիչը տեղեկացրեց նաև, որ շրջանի գյուղատնտես-մասնագետները, որոնք իր կողմից վաղօրոք ստացել են համապատասխան հանձնարարականներ, ցուցաբերում են հետևողական վերաբերմունք կատարվող աշխատանքների վերաբերյալ, ինչպես նաև հավելեց, որ անձամբ է վերահսկելու իրականացվող գործընթացը:

Արվիդ Ղուլյանը ավելացրեց, որ ներկա պահին աշնանացանի աշխատանքներ են սկսվել նաև Խրամորթ և Նախիջևանիկ համայնքներում:

Անահիտ Դավթյան