Պատերազմական գործողությունների հետևանքով Ասկերանի շրջանի, ինչպես նաև այլ բնակավայրերի տեղահանված բնակչությանը ժամանակավոր կացարաններով ապահովելու համար Ասկերանի շրջվարչակազմում իրականացվում է քաղաքացիների ընդունելություն և գրանցում:

Այսօրվա դրությամբ շրջվարչակազմ է դիմել ու գրանցվել 607 ընտանիք: 283 ընտանիք արդեն իսկ վարձակալել է ժամանակավոր բնակելի տներ շրջանում, ինչպես նաև շրջանից դուրս:

Ասկերանի շրջանում տեղավորվել է 172 ընտանիք:

Նշենք, որ շրջանում ժամանակավոր կացարաններով ապահովված և բնակություն հաստատած բնակիչների համար նախապատրաստվում և կազմվում են բնակելի տների վարձակալության եռակողմ պայմանագրեր` շրջվարչակազմի, սեփականատիրոջ և ժամանակավոր բնակություն հաստատող անձանց

միջև: Ներկա դրությամբ կազմվել են շուրջ 80 պայմանագրեր:

Տեղահանված բնակչությանը տրվում է հումանիտար օգնություն, որի մեջ մտնում են սնունդ, կենցաղային անհրաժեշտության ապրանքներ:

Նշենք, որ շրջվարչակազմում աշխատանքներն իրականացվում են առանց հանգստյան օրերի, քաղաքացիների հետ տարվում են նաև համապատասխան բացատրական աշխատանքներ, տրվում են ուղղորդումներ:

Ա.Դավթյան