§Եթե որևէ մեկը կարող էր կասկածել մինչև Սումգայիթը` սրանից հետո ոչ ոք բարոյական արդարացում չունի
 պնդելու՝ պահպանել Լեռնային Ղարաբաղի տարածքային պատկանելությունը Ադրբեջանին¦.

Խաղաղության Նոբելյան մրցանակի դափնեկիր Անդրեյ Սախարով

Հայ ժողովուրդը փետրվարի 28-ը նշվում է որպես Ադրբեջանական ԽՍՀ-ում կազմակերպված ջարդերի, զոհերի հիշատակի և բռնագաղթված հայ բնակչության իրավունքների օր: Ուստի այդ օրն

Ասկերանի շրջանի վարչակազմի ղեկավար Սերգեյ Գրիգորյանը, աշխատակազմի բաժինների վարիչների, աշխատողների և ասկերանցիների հետ այցելեցին հուշահամալիր, ուր հարգանքի տուրք մատուցեցին Ադրբեջանի հայաշատ բնակավայրերում իրականացված հայահալած քաղաքականությանը զոհ գնացածների հիշատակին։ Նրանք մեկ րոպե լռությամբ հարգեցին անմեղ զոհերի հիշատակը։
Քառորդ դար է անցել Սումգայիթյան ջարդերից։ Սակայն տարեց-տարի այդ սարսափազդու տեսարաններն ու հիշողությունները ուղեղն բթացնելու չափ ահագնանում են։ Այդ դժոխքից հրաշքով փրկվածներին մենք պարտավոր ենք սատարելու, իսկ անհայտ ճակատագրի արժանացածներին՝ ընդմիշտ հիշել։
- Ադրբեջանում դեռևս վաղուց էր հակահայկական ու հայահալած քարոզչություն և քաղաքականություն տարվում։ Այսօր մեզ համար շատ ցավալի է վերհիշել այն վայրագություններն ու անմարդկային արարքները, որոնց ենթարկվեցին Ադրբեջանի տարբեր քաղաքներում և գյուղերում բնակվող հայերը։ 1988 թվականի փետրվարի 22-ի նախօրոք կազմած պլանը չկարողանալով իրականացնել Ղարաբաղի հայերի նկատմամբ, գազազած ազերիներն այն իրագործեցին հայերի ձեռքով կառուցած հայաշատ Սումգայիթում,- նշեց Ասկերանի քաղաքապետ Ալյոշա Գաբրիելյանը։
  Մեկ անգամ ևս դատապարտելով 1988-ի սումգայիթյան ջարդերը մենք հույս ունենք մեր արդար ձայնն ու պահանջը հասցնել միջազգային հանրությանը, որը մինչ օրս համարժեք գնահատական չի տվել այդ իրադարձություններին։

Անահիտ ՊԵՏՐՈՍՅԱՆ