Հավերժական առեղծվածն այն չէ, որն ընդհանրապես պատասխան չունի,այլ այն, որի պատասխանն ամեն օր ուրիշ է։

   Ստանիսլավ Լեց

Կինը բնության ստեղծած ամենահմայիչ ու ամենաառեղծվածային էակն է։ Կնոջ առեղծվածը միշտ մեծ հետաքրքրություն է առաջացրել ողջ մարդկանության պատմության ընթացքում։ Նրա կերպարը գովերգվել է բոլոր դարերի երգիչների, բանաստեղծների կողմից։ Տարբեր դարերի իմաստունները փորձել են բացահայտել կնոջը, սակայն նա այնպես էլ մնացել է չբացահայտված,

առեղծվածային... Ինչպես հին հնդիկներ են կարծում՝ կնոջն արարելիս աստված օգտագործել է լուսնի կլորությունը, օձի ճկունությունը, ուռենու նրբությունը, մայիսյան բզեզի թևերը, փետուրի թեթևությունը, աղավնու հայացքը, արևի ճառագայթները, գարնանային ամպի փափկությունը, քամու փոփոխականությունը, սիրամարգի սնափառությունը, ադամանդի կարծրությունը, վագրի դաժանությունը, կրակի ջերմությունը, ձկան սառնությունը, թութակի շատախոսությունը, կատվի անհավատարմությունն ու խորամանկությունը...
Հայտնի մարդկանցից մեկն ասել է՝ տարօրինակ էակներ են կանայք։ Իսկ մենք այս համոզմունքին ենք՝ ինչպիսին էլ լինեի կինը, նա միշտ սիրվելու, գնահատվելու կարիք ունի։
Մեր առաջադրած հարցերին պատասխանել են տարբեր բնագավառներում աշխատող կանայք և նրանց յուրօրինակ ու անկեղծ պատասխանները մեր ընթերցողների ուշադրությանն ենք ներկայացնում։