Շրջապատի մաքրության եւ բարեկարգության հանդեպ ուշադիր պետք է լինենք բոլորս: Հենց մեր շրջապատով է որոշվում մեր կենսամակարդակն ու քաղաքակրթվածությունը: Պահպանելով եւ գնահատելով այն` օրինակ կծառայենք նոր սերունդներին` ճիշտ դաստիարակվելու. քանզի մեր շրջապատը` մեր հայրենիքն է:
Ամեն ինչ չէ, որ պետք է պետության միջոցներով ձեռնարկվի, մանավանդ, երբ սեփականաշնորհված են բազմաբնակարան բնակելի շենքերը,- ահա այսպես մտածեցին Ասկերան քաղաքի Շահումյան փողոցի 76 շենքի երրորդ շքամուտքի բնակիչները եւ նախաձեռնեցին շքամուտքի վերանորոգումը: Սեփական միջոցներով ¥ի դեպ ծախսերն այնքան էլ մեծ չէին¤ վերանորոգեցին ամբողջ շքամուտքը: Նրանք մեծ ոգեւորությամբ կատարեցին այդ աշխատանքը, եւ արդյունքն ակնհայտ երեւաց: Շքամուտքն արդեն մաքուր ու կոկիկ եւ մշտապես գտնվում է ուշադրության կենտրոնում:

Իրոք, գեղեցիկ աշխատանք է կատարվել եւ արժանի է ընդօրինակման: Ցանկալի է, որ մնացած շենքերի բնակիչները նույնպես հետեւեն այդ օրինակին, եւ ԼՂՀ հռչակման 20-ամյակի կապակցությամբ ամեն մեկս կմտածեինք, որ ահա մի գեղեցիկ գործ եւս կատարեցինք, թեկուզ եւ այն լինի այդչափ փոքր:
Կարինե ԲԱԽՇԻՅԱՆ