Թարմացումներ.
| ՀԱՐԳԱՆՔԻ ՏՈՒՐՔ ՀԱՅՐԵՆԻՔԻ ԱԶԱՏԱԳՐՈՒԹՅԱՆ ՀԱՄԱՐ ՆԱՀԱՏԱԿՎԱԾՆԵՐԻ ՀԻՇԱՏԱԿԻՆ |
| 13.05.2016 21:01 |
|
Այս տարի Եռատոնն Ասկերանում նշվեց միայն հարգանքի ու խոնարհումի տուրք մատուցելով երկու պատերազմներում նահատակված ասկերանցիների հիշատակը հավերժացնող հուշահամալիրում։ Ասկերանի շրջվարչակազմի ղեկավար Սերգեյ Գրիգորյանի գլխավորությամբ վարչակազմի աշխատակազմի բաժինների վարիչները ծաղիկներ ու ծաղկեպսակներ տեղադրեցին հուշարձանների պատվանդաններին՝ մեկ րոպե լռությամբ հարգելով հանուն Հայրենիքի ազատության նահատակված մարտիկների հիշատակը։ Հիշատակի ու խոնարհումի արարողությանը ներկա էր նաև Արցախի հերոս, ԱԺ պատգամավոր Վիտալի Բալասանյանը։ Անահիտ ՊԵՏՐՈՍՅԱՆ
Լուսանկարները՝ ՎԱԼԵՐԻ ՊԵՏՐՈՍՅԱՆԻ |
Մայիսյան հաղթանակներն ապացույցն են հայի այն տեսակի, որը դիմադրելով ժամանակի բոլոր մարտահրավերներին կարողացել է ի տես քաղաքակիրթ աշխարհի ապացուցել իր ազատ ու անկախ ապրելու իրավունքը՝ նվաճելով այն սեփական արյամբ։ Մայիսի 9-ը բացի համազգային տոնի լինելուց նաև նեղ՝ անձնական տոն է։ Այն ամենանշանակալից, բովանդակալից ու ամենափառավոր տոներից է։ Իսկ Շուշիի ազատագրումով ու հայոց կանոնավոր բանակի ստեղծմամբ՝ այն հայերիս համար դարձավ Եռատոն։
