Համոզված եմ, որ հանրապետության Մայր օրենքում կատարվող փոփոխությունները միտված են մերօրյա և հետագա բոլոր մարտահրավերներին համարժեք պատասխան տալուն և հիմքում, անշուշտ, դրված է առաջին հերթին մեր ժողովրդի անվտանգության ապահովումը: Ապրիլյան իրադարձություններից հետո ակնհայտ է, որ պետք է ստեղծել ուժեղացված նախագահական երկիր: Երկրի նախագահի և Ազգային ժողովի ընտրությունը մեկ օրում կատարելը ևս մեծ հեռանկար է ավելի ժողովրդավար երկիր ունենալու համար: Այս հարցում ժողովուրդը կունենա զգալի և որոշիչ իր դերը: Մեծ դերակատարություն կունենա ուժեղ տեղական կառավարման համակարգը, և այն ամրագրելուց հետո, կունենանք զարգացած համայնքներ: Այսուհետ հանդես ենք գալու որպես Արցախի Հանրապետություն, որը մեծ հպարտություն է բոլորիս համար: Մասնագիտական հանձնաժողովը

բազմաթիվ քննարկումներ կատարելով` կարողացել է  ճիշտ լուծումներ գտնել, որին մենք վստահում ենք անվերապահորեն: Մենք գիտակցում ենք նաև, որ նոր Սահմանադրությունը կարևոր պայման կդառնա Արցախի զարգացման և անկախության ճանաչման գործում: Պետք է հանրությանը ներկայանանք մեր միասնականությամբ և բարձր տոկոս ապահովենք հանրաքվեին:

Որպես Ասկերանի քաղաքացի` համոզմունք եմ հայտնում, որ մեր ժողովուրդը ճիշտ մոտեցում կցուցաբերի, ակտիվորեն կմասնակցի սահմանադրական բարեփոխումների հանրաքվեին և կասի իր §Այո¦-ն: Դրանով նա կապահովի իր և իր սերունդների ապահով ապագան:

Լուսիկ ՍԱՐԳՍՅԱՆ

Ասկերանի Գ.Գաբրիելյանի անվան

գրադարանի գլխավոր գրադարանավար,

ավագանու անդամ