Կարծում եմ, որ սահմանադրական բարեփոխումները ևս մի քայլ են ամրապնդելու մեր ձեռքբերումները: Իսկ ինչքան մենք ուժեղ լինենք, միաբան ու միակամ, այնքան կմեծանա հարգանքը մեր հանդեպ: Ասված խոսք է.§Ուժեղին հարգում են և հաշվի առնում նրա կարծիքը¦:  Եկել են ժամանակները, որ պետք է շատ ուժեղ լինենք, թելադրենք մեր կամքն այլոց և ոչ թե եվրոպաների ու ամերիկաների գթասրտությանն սպասենք:

Սահմանադրական բարեփոխումները լայն հնարավորություն են ընձեռնելու Արցախի ժողովրդին՝  որտեղ մարդը բարձրագույն արժեք է, լինել պաշտպանված և ապահով: Մարդու և քաղաքացու հիմնական իրավունքները, արժանապատվությունը մեր կյանքի հիմնական

չափանիշները պետք է դառնան:

Որպես Արցախի Հանրապետության քաղաքացի, հպարտ եմ, որ ունենք 18-20 տարեկան քաջ հայորդիներ: Նրանք ապացուցեցին, որ ազատ մեծացած սերունդն են ու այս երկրի տերը: Այդ տղաները միշտ պատրաստ են ամենաաննշան վտանգի դեպքում հերոսաբար պաշտպանել Հայրենիքի սահմանները: Մենք ունենք նաև լավ հրամանատարական կազմ, ով սիրում է զինվորին, գնահատում նրա կյանքն ու ապահովում

անվտանգությունը:

Այս հրաշք երկրում ապրելն ու արարելն արցախցու ամենամեծ հարստությունն է: Հենց դրա համար պետք է մասնակցենք հանրաքվեին ու ասենք. §Այո՛ Արցախին¦:

Սվետլանա ԱՍՐՅԱՆ

Ասկերանի շրջվարչակազմի աշխատակազմի

կրթության բաժնի գլխավոր մասնագետ