ՆՈՐԱԳՅՈՒՂԻ ԹԻՄԸ՝ ՇՐՋԱՆԻ ՉԵՄՊԻՈՆ

20.02.2017 16:25

Փետրվարի 9-10-ը շրջկենտրոնում անցկացվել է պատանիների միջև շախմատի Ասկերանի շրջանային առաջնությունը, որին մասնակցում էին Խաչենի, Նորագյուղի, Խնձրիստանի և Ասկերանի միջնակարգ դպրոցների թիմերը: Յուրաքանչյուր թիմում ընդգրկված էին 5 տարիքային ՝ Մ10, Մ12, Մ14, Մ16 և Մ18 խմբերից մեկական շախմատիստ: Շրջանաձև անցկացված առաջնությունում, վստահ հաղթանակներ տոնելով բոլոր մրցակիցների նկատմամբ, մրցանակային 1-ին տեղն է զբաղեցրել Նորագյուղի Վիտալի Պետրոսյանի անվան միջնակարգ դպրոցի թիմը: 2-րդ և 3-րդ տեղերը համապատասխանաբար գրավել են

Խնձրիստանի և Խաչենի Ղ.Աղայանի միջնակարգ դպրոցների թիմերը:

Մրցանակային տեղեր զբաղեցրած թիմերն Ասկերանի շրջվարչակազմի կողմից արժանացել են պատվոգրերի, իսկ իմաստուն խաղի հաղթող թիմի անդամները՝ նաև դրամական պարգևների:

Մրցումների արդյունքներով ձևավորվել է շրջանի հավաքական թիմը, որը կմասնակցի հանրապետական առաջնությանը:

ԱրՊՀ Բանասիրական ֆակուլտետի 4-րդ կուրսի ուսանողուհի

Թամար Պետրոսյան