Ասկերանի շրջանը Արցախի Հանրապետության Սահմանադրության հանրաքվեին և ընտրություններին մասնակցել է մեծ ակտիվությամբ` ապահովելով շրջանի ընդհանուր ընտրողների գրեթե 95 % մասնակցություն։ Հիշեցնենք, որ համար 5 ընտրական տեղամասում բացի Սահմանադրության հանրաքվեից տեղ են ունեցել նաև պատգամավորական ընտրություններ։ Ինչպես գիտենք մեր ընտրատարածքից ԱԺ պատգամավոր ընտրված Վիտալի Բալասանյանի այլ աշխատանքի անցնելու կապակցությամբ ընտրատարածքում անցկացվեցին լրացուցիչ ընտրություններ՝ ինքնաառաջադրված թեկնածուներ Վաչիկ Միքայելի Բալասանյանի ու Վիլեն Սաֆարի Սաֆարյանի մասնակցությամբ: Շրջանում Սահմանադրության հանրաքվեին և պատգամավորական ընտրություններին մասնակիցների թիվը համապատասխանաբար 8740 և 8403 էր։

Ամփոփելով հանրաքվեի և ընտրությունների արդյունքները տարածքային ընտրական հանձնաժողովի նախագահ Կարեն Միրզոյանն ասաց, որ շրջանում Սահմանադրության հանրաքվեի և պատգամավորական ընտրությունների ողջ ընթացքը համար 5 ընտրական տարածքի բոլոր 30 տեղամասերում անցել են մեծ ակտիվությամբ և առանց խախտումների։ Ժամը 20։00-ին օրենքով սահմանված կարգով փակվել են բոլոր ընտրական տեղամասերը։

Շրջանի բնակիչները մեծ խանդավառությամբ և տոնական տրամադրությամբ են ներկայացել ընտրական տեղամասեր, չէ որ Սահմանադրության հանրաքվեն պատմական արժեք ներկայացնող իրադարձություն է։ Սահմանադրության հանրաքվեի արդյունքների ամփոփմամբ շրջանի 8740 քվեարկելու իրավունք ստացած բնակիչներց 8297 -ը մասնակցել էր հանրաքվեին, որից 7994 կամ 96.34%՝ Այո է ասել Արցախի Հանրապետության Սահմանադրությանը։ Սահմանադրությանը դեմ է քվեարկել ընդամենը 231 մարդ։  Պատգամավորական ընտրությունների արդյունքների ամփոփմամբ պարզվեց, որ պատգամավորի թեկնածու Վաչիկ Բալասանյանը ստացել է շրջանի 2380 կամ 32.2%, իսկ Վիլեն Սաֆարյանը 4795 կամ 64.8% ընտրողների վստահության քվեն։ Պատգամավորական ընտրություններին շրջանի բնակիչների մասնակցությունը կազմել է 88%։

Անահիտ ՊԵՏՐՈՍՅԱՆ