Գարնանային ամենագեղեցիկ տոնը՝ կանանց միամսյակը սպասված և հաճելի տոն է բոլորիս կողմից: Ասես, ավելի է մեծարվում և արժևորվում կին արարածը: Ամենուրեք կարելի է լսել ջերմ և գեղեցիկ խոսքեր կանանք, աղջիկների և մայրերի պատվին: Բավական է մի քաղցր խոսք, մի շոյիչ վերաբերմունք, և կինն իրեն լրիվությամբ երջանիկ և գնահատված է զգում: Ակամա շոյվում ես, երբ զգում ես, որ արժևորված են քո արածն ու թողածը, ստեղծածն ու պահպանածը: Ավելի ու ավելի ես ոգևորվում և ցանկանում կատարել ավելին քո ընտանիքի ու շրջապատի համար:

Կանանց միամսյա տոնի կապակցությամբ հաճելի անակնկալ էր մեզ սպասվում: Մարտի 8-ին և ապրիլի 7-ին  Ասկերանի §Բարի երթ¦  ՍՊԸ-ն կանանց և աղջիկների համար ապահովեց անվճար երթևեկություն: Արդեն ավանդական է դարձել ընկերության այդ հիանալի նվերը կանանց: Եվամենտարիավելիմեծոգևորություն և աշխուժություն է նկատվում այդ օրերին: Ինձ ևս առիթ է ընձեռնվել այդօրերին օգտվել տրանսպորտից և մոտիկից տեսնել ու զգալ մարդկանց անկեղծ ուրախությունը: Կանայք և աղջիկները զրուցում էին իրար հետ և շնորհակալական խոսքեր հղում ընկերության տնօրինության հասցեին: Բոլորի դեմքերին կարելի էր տեսնել երախտագիտությամբ և գոհունակությամբ լցված ժպիտներ:

Ես ևս ցանկանում եմ իմ և բոլոր իմ հայրենակիցների անունից շնորհակալություն հայտնել §Բարի երթ¦ ՍՊԸ-ի տնօրինությանը մեր ժողովրդի մասին հոգ տանելու համար: Հույս եմ հայտնում, որ բարեգործական այդ ակցիան շարունակական բնույթ կկրի: Այն հայրենասիրական մի յուրովի քայլ է, որն ընդօրինակման է արժանի…

Անահիտ ԳԱԲՐԻԵԼՅԱՆ

ք. Ասկերան