Օգոստոսի 19-ին Ասկերանի քաղաքային մարզադաշտում տեղի ունեցավ Արցախի ֆուտբոլի գավաթի խաղարկության կիսաեզրափակիչ հանդիպումը Ասկերանի §Բերդ¦ և Շուշիի §Քիրս¦ թիմերի միջև։

Հանդիպման առաջին խաղակեսն անցավ դաշտի տերերի որոշակի առավելությամբ։ Եվ ահա 33-րդ րոպեին ասկերանցիների հարձակվող Կամո Մանգասարյանը

բացեց խաղի հաշիվը։ Սակայն դաշտի տերերի ուրախությունը կարճ տևեց։ Ընդամենը երկու րոպե անց հյուրերը հավասարեցրեցին հաշիվը։ Երկրորդ խաղակեսն անցավ ասկերանցիների բացահայտ առավելությամբ։ 48-րդ րոպեին Կամո Մանգասարյանի հարվածից հետո հաշիվը դարձավ 2։1, իսկ 54-րդ րոպեին Սամվել Բաբուրյանը խփեց իր թիմի 3-րդ գոլը։ Այնուհետև նախաձեռնությունը լրիվությամբ անցավ ասկերանցիներին, և Կամո Մանգասարյանը 63-րդ և 68-րդ րոպեներին խփելով  երկու գնդակ՝ դարձավ պոկերի հեղինակ և ձևակերպեց խաղի վերջնահաշիվը՝ 5։1։

Մինչ այդ ասկերանցիները 3։0 հաշվով հաղթել էին Վանքի §Գանձասար¦-ին։ Այս երկու հաղթանակների շնորհիվ Բերդը դուրս եկավ գավաթի խաղարկության եզրափակիչ։ Մրցակիցը հայտնի կդառնա շաբաթ օրը կայանալիք §Լեռնային Արցախ¦ - §Երազանք¦ թիմերի խաղից հետո։

Արցախի գավաթի եզրափակիչ խաղը տեղի կունենա սեպտեմբերի 1-ին, ժամը 11։00-ին Ստեփանակերտի Ս. Շահումյանի անվան մարզադաշտում։

Վերջում նշենք, որ մեր ֆուտբոլիստները շատ վճռական են տրամադրված և խաղալու են միայն հաղթանակի համար։

Սպասվող ճակատամարտում տղաները մեր երկրպագուների հզոր աջակցության կարիքն ունեն։

Վալերի ՊԵՏՐՈՍՅԱՆ