Հոկտեմբերի 9-ին խնածախցիները հավաքվել էին մի յուրահատուկ տոնի: Տոնը վերտառել էին ՙԳյուղի օր՚: Խնածախը երբեք այդքան զուգսեր չէր հագել, ժողովուրդը երբեք այդքան խանդավառված չէր եղել: Այսօրվա ծաղկող Խնածախը բոլորի աչքերի մեջ էր, բոլորի հոգում, բոլորի սրտում… Տոնը բոլորինն էր, թե' զառամյալ ծերունունը, թե' օրվա ծնված մանուկինը…

Գրադարանն ամենապայծառ ու ջերմ օջախներից է, ուր մարդ կարողանում է կտրվել առօրյա հոգսերից ու ընկնել գրքերի լուսավոր աշխարհը: Այստեղ, դռները բաց, ընթերցողին սպասում են գրադարանի ինքնանվեր աշխատողները, ովքեր պատրաստ են մշտաժպիտ ընդունել ընթերցողներին, զրուցել նրանց հետ, խորհուրդներ տալ եւ լուսավորել նրանց ճանապարհը: Եվ հենց գրադարանավարի համեստ աշխատանքը գնահատելով է, որ կառավարության որոշմամբ հոկտեմբերի 7-ը նշվում է որպես գրադարանավարի օր:

Երեւանի քաղաքապետարանի աշխատակազմի հանրակրթության բաժնի մի խումբ մասնագետների, ուսուցիչների եւ աշակերտների այցելությունն Ասկերանի շրջան կոնկրետ հասցե ուներ` Նախիջեւանիկի միջնակարգ դպրոց: Հյուրերին ասկերանցիներն ավանդույթի համաձայն ընդունեցին բերդի մատույցներում:

Սեպտեմբերի 13…

Աշնանային գույներով ոսկեւորված դպրոցի բակն ալիք էր տալիս: Հավաքվել էին գյուղի ղեկավարները, ուսուցիչներ, դպրոցականներ, Արցախյան ազատամարտի մասնակիցներ: Ներկա էին Ազատամարտի քաջ պաշտպան Վիտալի Պետրոսյանի ծնողները:

Խնապատի միջնակարգ դպրոցի 1965-1966 ուս. տարվա շրջանավարտները հանդիպեցին 45 տարի հետո: Հանդիպումը փաստում էր, որ ունեցել են առողջ եւ համերաշխ կոլեկտիվ` սիրված եւ հարգված հասարակության կողմից: Իրենց վերադարձով հարազատ դպրոց իմաստավորեցին օրը` դրսեւորելով երախտիքի եւ պարտքի զգացում: Այդ տարիներին դպրոցը մարզում, ինչու չէ նաեւ հանրապետությունում լավագույններից մեկն էր` շնորհաշատ եւ վաստակաշատ, Լենինի շքանշանակիր Գալյա Բաբայանի ղեկավարությամբ:

ԼՂՀ Անկախության 20-ամյակին նվիրված

ՙԵս քաղաքացին եմ Արցախի Հանրապետության՚  խորագրով

շարադրությունների հանրապետական մրցույթում առավելագույն` 19 միավոր է հավաքել Խնապատի Արթուր Հայրապետյանի անվան միջնակարգ դպրոցի 9-րդ դասարանի աշակերտուհի Անահիտ Շահրամանյանը:

Վերջերս Ասկերանի զորամասը մեծ հանդիսավորությամբ նշեց իր տարեկան տոնը: Միջոցառմանը ներկա էին Ասկերանի ԱԱՄ նախագահ Ս. Աղաջանյանը,  շրջվարչակազմի ղեկավարի տեղակալ Ս. Առուշանյանը, ՊԲ նախարարի առաջին տեղակալ գեներալ-մայոր Ա. Ղահրամանյանը, ՊԲ հրամանատարի` ԱՀՏԱ գծով տեղակալ, գեներալ-մայոր Ա. Մակարյանը, բարձրաստիճան սպաներ, Արցախյան պատերազմի վետերաններ, հյուրեր: Հանդիսավոր հանրահավաքում զորամասի անցած մարտական փառավոր ուղին ներկայացրեց զորամասի հրամանատար Աշոտ Աղաջանյանի ԱՀՏԱ գծով տեղակալ Կ. Աբրահամյանը: Նա մասնավորապես նշեց.

Ծննդով ղլիժբաղցի, երեւանաբնակ բարերար Սամվել Գաբրիելյանի կատարած բարեգործություններն ուղղակի իմաստով դժվար է լրիվությամբ թվարկել: Արցախյան ազատամարտի առաջին իսկ օրերից Ս. Գաբրիելյանը եղել է հայրենիքի ցավերով ապրող անձ, որի բարեգործական նախաձեռնություններն ընդգրկում են ամենատարբեր ոլորտներ:  Նրան հրաշալի գիտեն ոչ միայն հարազատ Ասկերանում, եւ գիտեն որպես անսահման էներգիայով լեցուն, ազնվասիրտ հայի:  Ինչպես ասում են` Սամվել Գաբրիելյանի մի ոտքը Երեւանում է, մյուսն` Ասկերանում: Իսկ եթե բարերարը հերթական անգամ եկել է հայրենի ծննդավայր, ապա հաստատ նոր ձեռնարկումներ է հեղինակել:
Նրա հերթական այցը եւս արժանահիշատակ էր:Մեծացած լինելով Մայրաբերդի խիստ հայացքի ներքո, բերդի ամեն մի քարի վրա դրոշմված` մեր ժողովրդի հերոսական պատմության էջերը յուրացրած լինելով, նա  հղացել է Մայրաբերդի պատերը լուսավորելու գաղափարը:

ՙԲերդ՚ թերթի գլխավոր խմբագիր Վալերի ՊԵՏՐՈՍՅԱՆԻ հարցազրույցը Ասկերանի շրջանի վարչակազմի ղեկավար Սերգեյ ԳՐԻԳՈՐՅԱՆԻ հետ։

- Պարոն Գրիգորյան,  արդեն մեկ տարի է անցել, ինչ նշանակվել եք շրջվարչակազմի ղեկավար: Ի՞նչ է հուշում անցած մեկ տարին:

- Ես չէ, իհարկե, որ պիտի գնահատեմ իմ կատարած աշխատանքը, բայց մեծ հաշվով` ինքդ քո առաջ հաշվետու լինելն ինչ-որ տեղ նույնիսկ պարտադիր պահանջ է: Այս առումով կարող եմ ասել, որ ժամանակին համաքայլ եմ ընթացել: Երբ աշխատում էի իրավապահ մարմիններում, որտեղ ի դեպ` աշխատել եմ տասնյակ տարիներ,  ինձ մոտ ձեւավորվել է  գործի հանդեպ պատասխանատվության կայուն համակարգ, առկա խնդիրներին համապարփակ նայելու լայն կարողություն:

ԼՂՀ իշխանությունների որդեգրած բարեփոխումների համալիր ծրագրում սպորտի զարգացումը հատուկ տեղ ունի: Առողջ մարմնում` առողջ ոգի. դրան են միտված ոլորտի պատասխանատուների ջանքերը, որոնք ամեն անգամ հաճելի անակնկալներ են մատուցում արցախցիներիս: Ասկերանում նոր մարզադաշտի կառուցումը եւս կարելի է դասել դրանց թվին:
Ասկերանցիները սրտատրոփ էին սպասում մարզադաշտի շահագործմանը, եւ ահա հունիսի 27-ին տեղի ունեցավ հանդիսավոր բացման արարողությունը։  Բացմանը ներկա էին ԼՂՀ նախագահ Բակո Սահակյանը, ԱԺ նախագահ Աշոտ Ղուլյանը, կառավարության անդամներ, հյուրեր, Ասկերանի եւ հարակից գյուղերի բնակիչներ։ Պահն իրոք հուզիչ էր, եւ դա զգալի էր նաեւ շրջվարչակազմի ղեկավար Սերգեյ Գրիգորյանի խոսքում։
-Շուտով մեծ հանդիսավորությամբ կնշենք Արցախի Հանրապետության անկախության հռչակման 20-րդ տարեդարձը։ Անկախություն՝ որ ձեռք է բերվել համայն հայության միասնական ու հաղթական ոգու շնորհիվ։

Ասկերանի մարզադաշտի մասին այսօր բոլորը հիացմունքով են խոսում: Իսկ ինչպե՞ս է այն կառուցվել, ո՞ւմ նվիրական ջանքերի շնորհիվ: ՙԲերդի՚ խնդրանքով մանրամասներ է հաղորդում շրջվարչակազի ՔՃՎ բաժնի վարիչ Ալբերտ Ավանեսյանը:
-Մեր շրջանի վարչակազմի բոլոր ղեկավարներն էլ  մարզադաշտ կառուցելու ցանկություն ունեցել են։ Սակայն ինչ-ինչ հանգամանքներից ելնելով` չի ստացվել։ Մի քանի տարի շարունակ փորձել ենք մարզադաշտի կառուցումը մտցնել պետական ծրագրերի մեջ, սակայն ֆինանսական սղության պատճառով գաղափարը չի նյութականացել։ Երբ Սերգեյ Գրիգորյանը նշանակվեց վարչակազմի ղեկավար` մեկ շաբաթ անց ինձ հրավիրեց իր մոտ, քննարկեց մարզադաշտի կառուցման հարցը: Այնուհետեւ միասին գնացինք աղբանոցի վերածված նախկին մարզադաշտի տեղը, եւ հենց տեղում էլ որոշվեց, որ պետք է շտապ կերպով սկսել մարզադաշտի կառուցման աշխատանքները։Հենց տեղում Ս. Գրիգորյանը կապվեց ԼՂՀ ֆուտբոլի ֆեդերացիայի նախագահ Սամվել Կարապետյանի հետ ու հայտնեց Ասկերանում մարզադաշտ կառուցելու մտադրության մասին: Չանցած մի քանի օր, Ս. Կարապետյանն ուղարկեց անհրաժեշտ տեխնիկա` տարածքը աղբից մաքրելու համար։ Այդպես էլ սկսվեցին մարզադաշտի կառուցման աշխատանքները։ Այնուհետեւ վարչակազմի ղեկավարն ընդարձակ խորհրդակցություն  հրավիրեց իր մոտ եւ կարեւորելով մարզադաշտի նշանակությունը, կոչ արեց բոլորին` օժանդակել այդ աշխատանքներին։ Ղեկավարի այդ ոգեւորությունը վարակեց մեզ բոլորիս:

Հուլիսի 7-ին Ասկերանի նորակառույց մարզադաշտում տեղի ունեցավ ֆուտբոլային առաջին պաշտոնական  մրցախաղը: ԼՂՀ պատանեկան առաջնության շրջանակում դաշտ էին դուրս եկել Ասկերանի ՙԲերդ՚ եւ Հադրութի ՙԴիզակ՚ թիմերը: Ինչպես եւ կանխատեսվում էր, ասկերանցիները բացարձակ առավելություն ունեցան հադրութցիների նկատմամբ. խաղն ավարտվեց 7-0 հաշվով, հոգուտ ՙԲերդի՚: Ընդ որում երկու հոգի` Սերգեյ Հովսեփյանը եւ Վիգեն Հարությունյանը, դարձան հեթ-տրիկի հեղինակներ, իսկ  7-րդ համարի տակ հանդես եկող Տիգրան Դանիելյանը խփեց խորհրդանշական 7-րդ գոլը:
Գուցե 7 թվերի խորհուրդն ընդամենը զգայական նշանակություն ունի եւ այդ համընկնումը պատահականություն էր, սակայն ասկերանցի ֆուտբոլիստների համոզիչ հաղթանակը մրցակցի նկատմամբ` պատահական անվանել չես կարող: Ասել է թե` ՙԲերդի՚ մեկնարկը խիստ հուսադրող է, եւ առաջիկայում մեր թիմի նոր հաղթանակներով հրճվելու բերկրանքը կունենանք: